Anmwe! Boulva

Freedom of Expression

Prezidan Martelly debake kay premye minis la epi li di l tout sa Kasayòl te di bèf la

Posted by Mezanmi
Mezanmi
Mezanmi has not set their biography yet
User is currently offline
on Thursday, 09 February 2012 in News

 

 



Maten an Ayiti menmjan ak tout fanm rizyèz leve ak figi li tankou yon fanm ki pase yon bon lannwit alòske tout nwit la lap plenn, lap plenyen koze ki pase pou jounen an avan li te ale kouche, ta sanble se koze sa yo ki tap brase aktyalite a nan lannwit la. Plizyè moun tap plenyen pou koze gazolin ki pa genyen nan okenn ponp, plizyè ti chofè taptap ak moto kanpe travay byen bonèpaske daprè yo pa gen gaz, tout ponp yo pase fèmen. Jouk kounye a pyès otorite poko di ki rezon ki lakòz ratman sa a ak fèmti estasyon sa yo.

Koze kap bwase bil peyi a depi kèk jou se koze doub ak trip nasyonalite prezidan Michel Joseph Martelly. Daprè sa k'ap pale, komisyon ki responsab pou pote limyè sou koze a te voye mande prezidan an paspò li ak lòt dokiman vwayaj ke Prezidan pa sanble dakò pou voye yo bay komisyon an paske daprè sa li di: pagen okenn kote nan konstitisyon an ki di yon komisyon palmantè ka mande l paspò li, epi si daprè sa ki ekri anba paspò a ke paspò sa a se propriyete leta Ayisyen... Prezidan deklare li se chèf leta; kidonk li se leta, li pap bay pèsòn paspò a, si yo kapab ya vin pran l. 

Lòt koze ki ap bwase bil Ayiti se koze prezidan Martelly ki debake kay premye minis la epi li salanbe  ak gwo mo betiz tout moun li jwenn nan yon reyinyon ki daprè sa k ap pale t ap fèt pou ranvèse li sou pouvwa a. Rankont sa ki sanble t ap fèt ant premye minis la, senatè ak depite pou konnen kisa ki dwe fèt nan kad piblikasyon lwa amand la, sanble te genyen yon depitan prezidan ki voye yon SMS bay prezidan an pou di l y ap konplote kont pouvwa a kay premye minis la, prezidan gras pou li pat jete metye machann fèy la di tout moun ki te la sa Kasayòl te di bèf la.

Rate this blog entry
0 votes
Mezanmi has not set their biography yet

Comments