Anmwe! Boulva

Freedom of Expression

Gagòt, lajan ap gaspiye nan pouvwa an Ayiti, Prezidan tounen tonton nwèl nan bay kado.

Posted by Sovaj
Sovaj
Sovaj has not set their biography yet
User is currently offline
on Thursday, 29 December 2011 in Opinion

Kote ti pèp la ap dòmi anba tant, nan lari, nan kay katon, sa ki ap chèche manje nan bwat fatra, sa k'ap pouse bourèt pou mete ti moun lekòl, sa k'ap fè tout jounen anba yon mache yo pa menm ka reyalize 25 goud pou jounen yo, ebyen gouvènm man ap fete. Pou fen mwa Desanm nan Trezorye Piblik la retire 400 milyon goud ki se  9 milyon, 914 mil, 642 dola ($9,914,642) pou fanmiy prezidan al fè vakans andeyò. Sa montre'w kouman mesye nan gouvènman ap mal jere lajan peyi an pandan ti pèp lan ap soufri.

Sonje lontan moun konn ap di kouman Duvalier te konn ap voye lajan bay moun atè, lè y'ap pase nan kòtèj yo. Ebyen mesye dam sa retounen alamòd ankò, sèlman yo fè li pi pwòp. Moun Prezidan ap bay lajan nan anvlòp, ki gen yon afè de mil goud ladan, ki se $24.79 lajan ameriken, bay piti pa chich.

Ministè enteryè gouvènman Marthelly ak Cornille lan, Thierry Mayard Paul  ofri yon seri de manb depite yon sòm lajan de 85 milyon goud, (85,000,000 gourdes). Motosiklèt ap bay, machin ap bay, pandan moun paka manje, dlo santi ap pete tounen moun anba.

Alò nou menm pèp Ayisyen se agare nou ye, depi ou ba yo 2gouden yo p'ap rele aba deyè'w. Bay de twa nan yo, si'w pa jwenn se paske ou pat la oubyen ou pat gen chans. Yon pèp k'ap soufri, se konsa lajan ap gaspiye. Kote lajan transfè y'ap pran sou dyaspora, kote y'ap pran sou chak apèl dyaspora yo fè a. Mesye dam ouvè zye nou. Y'ap ba nou kou dèyè tèt epi kache men yo.

 Se bèl bagay lè yon prezidan yon peyi gen bon kè, si lajan se pou prezidan, li itilize'l pou fè bèl jès sa yo bravo. Men pa pran lajan peyi an pou fè demagoji. Alò nou bezwen yon ti eklèsisman kote lajan sa yo soti pou fè tout bèl jès sa mesye le prezidan. Nou vle konnen. Repons Peyizan, se angrè, pikwa, manchèt, louchèt, irigasyon, etc...

 

 

 

 

 

 

 

 

 

 

 

 Pa ezite pou li atik sa a nan sit Ayisyen sa a http://www.haiti-liberte.com/archives/volume5-24/Gargotte%20pr%C3%A9sidentielle.asp


 

Rate this blog entry
0 votes
Sovaj has not set their biography yet

Comments